Ain't no mountain high enough

  • 22.09.2015
  • 22:00

God kveld i stuggu!

I dag har eg gått rundt å tenkt at det er mandag, eg kobla ikkje ein gong at det var tysdag sjølv då eg plukka opp lokalavisa i postkassa. (den kjem berre ut tirsdag, torsdag og laurdag) Mamma og pappa har nokre ekstra dagar fri denne veka så i går var eg med dei på fjelltur, noko me som oftast driv med på sundagar. Så der har du nok grunnen til at eg har hatt mandagsfølelse i dag, for i mitt hovud var det jo sundag i går...

Turen vår starta frå Skaftedalen, opp mote Skykkjeset og vidare til topps på Horndalsnuten, 1461 meter over havet. Eg har aldri vore opp der før så det var litt av ei oppleving, og ei utsikt som det du hadde der skal du jaggu leite lenge etter altså. Me var superheldig med vêret og me såg fjelltoppar som bada i sol uansett kvar me snudde oss. Men det skal seiast at sjølv om det var sol, var det òg ein bitande kald haustvind på toppen, og eg angra grådig på at eg ikkje hadde med meg rett i koppen kakao i sekken. Heldigvis hadde eg mykje gode klede med meg, og i det me byra å bevege oss nedover fjellsida på heimatt vegen kom varmen heilt ut i fingertuppane mine att.  

Onsdag i forrige veka var eg òg på fjelltur, denne gongen var eg heilt for meg sjølv (om de ser vekk ifrå Ronja), og formen var så langt i frå på topp som den nokon gong har vore. Eg var heilt slått ned i støvlane og brukte alt for lang tid på ein tur som aldri ville tatt så mange timar hadde eg hatt ein god dag. Eg kan med handa på hjarta seie at eg aldri har vore så sliten som det eg var då, sjølv om turen eg var på i går var mykje lenger enn denne. Då eg byrja å gå var heller ikkje planen å ende opp på topptur, men eg burde jo kjenne meg sjølv godt nok no, etter 22 år, til å vite at om eg ser ein topp eg faktisk "berre nett" opp der. Denne dagen var det Tjørnahorgi(1047 moh) eg enda opp på, som er ein av mange toppar på Gråsida. Eg gjekk heima ifrå, via Sandfjellet, og enda til slutt opp der, etter mykje surring, stopping og leiting etter sti. 








Comments: 0




Leave a comment

hits