Leather & plaid

  • 25.08.2015
  • 15:13

Saman med tirsdagen kom regnet, og det har ausa ned i strie straumar frå eg stod opp i dagtidleg. Eg var akkurat ein liten tur på Vangen for å ordne nokre småting, og berre den vesle stunda frå bilen til eg var inne, under tak gjorde meg godt våt i håret. Heldigvis var eg lur før eg reiste, og kasta med meg regnjakka mi, og den kom godt med for å seie det slik. Den er god å ha den, og no blir den jo faktisk brukt òg, i forhold til då mamma kjøpte den til meg ein del år tilbake og eg fekk for meg at eg ikkje ein gong ville bli sett død i ei så knall blå jakke. No kunne eg ikkje brydd meg mindre om kva folk måtte tenkje om regnjakka mi, og blå har jo utvikla seg til å bli den fargen eg er mest glad i, så det er i grunn ein vinn vinn situasjon for min del. 

No skal det ryddast her i heimen, og klesskapet mitt skal få ein grundig gjennomgang. Neste mandag skal eg til Bergen med mamma for litt shopping så då kan det vere greit at det er litt betre plass i skapet i tilfelle eg får med meg heim nokre skattar til hausten. Slik det er i klesskapet mitt for tida er det eit stort puslespel når eg skal ha noko ut eller inn for det er i grunn ingen plass til overs, og det er stappfullt uansett korleis eg prøver å lirke det til. Eg brukar sikkert ikkje halvparten av det ein gong, eg har berre store problem med å kvitte meg med klede for klede er veldig viktig for meg, og kvart plagg har sin plass i hjarta mitt. I tillegg er eg ein helt på å snakke meg sjølv til "det kan jo hende eg får bruk for det ein gong", så eg er i grunn litt skeptisk til heile greia, men det er på tida å ta grep, så får me sjå kor mykje eg klarar å gje slepp på. 


Leather Skirt - Monki // Shirt & t-shirt - h&m // Nike Air Max - Office // Casio watch - Urban Outfitters


Comments: 2




Kat

25.08.2015 kl.15:29

Så fint antrekk :) ha en flott dag!

Ingrid

25.08.2015 kl.17:01

Så fint antrekk :)

Leave a comment

hits